Apelido:

Senha:


Esqueci minha senha







Marco Scalabrino






L’ANCILU DI LU MATINU ( di Maria Stella Filippini Di Caro.
Libero adattamento siciliano
di Marco Scalabrino )


Appari
e adurca li mossi
di l’ali mei afflitti e sparacini.

E’ l’Ancilu di la Luci

pattu
lijami
finàita

jornu chi trasi
notti chi squàgghia.

E’ canzuna senza palori
rivugghiu d’acqua
leccu di patri e di matri

ninfa
opali
farfalla.

Si lu ciatu scarsìa
siddu cerca antichi oraculi
- nuvuli cu valigi d’ùmmira -

frica l’Ancilu picati
annaca muscalori
spini leva a una a una

e lu suli attrappa
cu rùfuli di ventu
e nassi di cristallu.

Avi na luci sula
e un spaziu
e na manu di fogghia
chi ammutta lu russeddu.

Nna lu nomu di Chiddu
chi duna uri e jorna
arriva
vistutu di virmigghiu e d’acquazzina

e li Carri ci fannu di scorta
e li stiddi di curuna.

Dintra mia s’alliberta
lu primu chiantu
e mi scopru tennira

tennira tennira

e lu novu arrivatu
tuttu tuttu
m’agghicu.


Tempo de carregamento:0,03